"Арсенал" бош мураббийи Микель Артета Деклан Райснинг трансфери бўйича музокараларнинг бориши ҳақида гапирди.
24 ёшли ярим ҳимоячи "Вест Хэм"дан 116 миллион евро эвазига "канонирлар" сафига қўшилди. Келишув июль ойи ўрталарида расман тасдиқланган. "Болғачилар" юлдузига "Манчестер Сити" ҳам даъвогарлик қилганди.
“Биз унга у ва унинг роли ҳақида қандай фикрда эканимизни, қандай жамоа қураётганимизни айтдик. Биз бу ўтишни амалга ошириш учун жуда кўп ҳаракат қилдик. Муҳокамалар нафақат у билан, балки унинг оиласи билан ҳам ўтказилди. Ҳозир биз билан Деклан борлигидан жуда хурсандмиз”, деди Артета 6 август куни Англия Суперкубоги доирасида бўлиб ўтадиган “Манчестер Сити”га қарши ўйин олдидан ўтказилган матбуот анжуманида.
