Sharl de Ketelare "Atalanta"ga o‘tishga yaqin turibdi.
Oldinroq "Milan" yarim himoyachini "Atalanta"ga sotib olish imkoniyati bilan ijaraga berishga rozi bo‘lgani ma’lum bo‘lgandi. Janluka Di Marsioning fikricha, futbolchining o‘zi tez orada bu o‘tishga rozi bo‘lishi kerak.
22 yoshli futbolchining ijarasi uchun Bergamo klubi 3 million yevro to‘laydi, yarim himoyachining to‘liq transferi "Atalanta"ga 22 millionga tushadi. Shartnomada, shuningdek, taxminan 4 million yevro miqdorida bonus to‘lovlari ham ko‘zda tutilgan.
De Ketelare 2022 yilning yozida "Bryugge"dan "Milan"ga bonuslar bilan birga 36 million yevro evaziga o‘tgan edi.
