«Nissa»da to‘p tepayotgan daniyalik tajribali darvozabon Kasper Shmeyxel yana Premyer-ligaga qaytishi mumkin. Bu haqda Nottingham Post jurnalistlari xabar bermoqda.
Manbaga ko‘ra, 36 yoshli futbolchining xizmatlariga «Nottingem Forest» qiziqmoqda. «O‘rmonchilar» joriy transfer oynasida Shmeyxelni qo‘lga kiritishga harakat qilishadi.
Eslatib o‘tamiz, Kasper Angliyada uzoq vaqt «Lester»da o‘ynagan. U 2011 yildan 2022 yilgacha ushbu jamoaning sharafini himoya qilgan.
Shmeyxel o‘tgan mavsumda Liga 1da 36 ta o‘yin o‘tkazib, 35 ta gol o‘tkazib yuborgan. 12 ta bahsda u darvozasi daxlsizligini saqlab qolgan.
