«Ницца»да тўп тепаётган даниялик тажрибали дарвозабон Каспер Шмейхель яна Премьер-лигага қайтиши мумкин. Бу ҳақда Nottingham Post журналистлари хабар бермоқда.
Манбага кўра, 36 ёшли футболчининг хизматларига «Ноттингем Форест» қизиқмоқда. «Ўрмончилар» жорий трансфер ойнасида Шмейхелни қўлга киритишга ҳаракат қилишади.
Эслатиб ўтамиз, Каспер Англияда узоқ вақт «Лестер»да ўйнаган. У 2011 йилдан 2022 йилгача ушбу жамоанинг шарафини ҳимоя қилган.
Шмейхель ўтган мавсумда Лига 1да 36 та ўйин ўтказиб, 35 та гол ўтказиб юборган. 12 та баҳсда у дарвозаси дахлсизлигини сақлаб қолган.
