Xvicha Kvarasxeliya Luchano Spaletti bilan ishlashi haqida gapirdi.
- Spaletti sizga otadek bo‘lgan, deb ayta olasizmi?
- «Ha. Men undan hech qachon qarzimni uza olmayman. Bu faoliyatimdagi burilish nuqtasi bo‘ldi: u menga eng yuqori saviyada o‘ynash imkoniyatini berdi va eng qiyin damlarda ham meni doim qo‘llab-quvvatladi.
Men bor kuchimni bera olmaganimda, u doim yonimda bo‘lib, ko‘nglimni ko‘tardi, himoya qilardi, qanday kurashishim haqida maslahat berardi.
Aynan uning sharofati bilan bugungi darajamga erishdim», - dedi Xvicha.
Spaletti 2022/23 yilgi mavsumdagi chempionlikdan so‘ng neapolliklar jamoasini tark etgandi.













