"Barselona" hujumchisi Usmon Dembelening Fransiyaning "PSJ" klubiga transferi amalga oshmay qolishi mumkin. Vinger faoliyatini davom ettirish uchun yana bir variantga ega.
DeadlineDayLive nashrining yozishicha, kataloniyaliklar futbolchini Parij klubidan ko‘ra Saudiya Arabistoniga sotishni afzal ko‘rmoqda. Yaqin Sharqda "Al-Hilol" Usmonga qiziqish bildirmoqda. Saudiya klubi Dembele uchun 50 million yevro, futbolchining o‘zi esa mavsumiga 100 million maosh to‘lashga tayyor.
Dembele o‘tgan mavsumda La Ligada 25 ta o‘yinda maydonga tushib, 5 ta gol va 7 ta golli uzatmani amalga oshirgan.