"Барселона" ҳужумчиси Усмон Дембеленинг Франциянинг "ПСЖ" клубига трансфери амалга ошмай қолиши мумкин. Вингер фаолиятини давом эттириш учун яна бир вариантга эга.
DeadlineDayLive нашрининг ёзишича, каталонияликлар футболчини Париж клубидан кўра Саудия Арабистонига сотишни афзал кўрмоқда. Яқин Шарқда "Ал-Ҳилол" Усмонга қизиқиш билдирмоқда. Саудия клуби Дембеле учун 50 миллион евро, футболчининг ўзи эса мавсумига 100 миллион маош тўлашга тайёр.
Дембеле ўтган мавсумда Ла Лигада 25 та ўйинда майдонга тушиб, 5 та гол ва 7 та голли узатмани амалга оширган.
