Ansu Fati Usmon Dembeledan keyin "PSJ"ga o‘tishi mumkin.
AS nashrining xabariga ko‘ra, parijliklar 20 yoshli vingerni transfer qilish uchun "Barselona"ga taklif tayyorlamoqda.
Fransiya chempionining yangi bosh murabbiyi Luis Enrike futbolchiga ishonch bildirgan va bu ishonch Ispaniya terma jamoasidagi faoliyati davomida namoyon bo‘lgan. "Ko‘k-anorranglilar" ustozi Xavi esa, aksincha, tarkibda Fatiga joy topolmayapti.
"Barselona" Fatini sotishga tayyor, uning agenti Jorje Mendesh esa bir necha oydan beri mijozi uchun yangi klub topishga harakat qilmoqda.
La Liganing 2022/23 yilgi mavsumida vinger 36 o‘yinda 7 ta gol urib, o‘rtacha 38 daqiqani maydonda o‘tkazgan.
