Ансу Фати Усмон Дембеледан кейин "ПСЖ"га ўтиши мумкин.
AS нашрининг хабарига кўра, парижликлар 20 ёшли вингерни трансфер қилиш учун "Барселона"га таклиф тайёрламоқда.
Франция чемпионининг янги бош мураббийи Луис Энрике футболчига ишонч билдирган ва бу ишонч Испания терма жамоасидаги фаолияти давомида намоён бўлган. "Кўк-анорранглилар" устози Хави эса, аксинча, таркибда Фатига жой тополмаяпти.
"Барселона" Фатини сотишга тайёр, унинг агенти Жорже Мендеш эса бир неча ойдан бери мижози учун янги клуб топишга ҳаракат қилмоқда.
Ла Лиганинг 2022/23 йилги мавсумида вингер 36 ўйинда 7 та гол уриб, ўртача 38 дақиқани майдонда ўтказган.
