«Everton» bosh murabbiyi Shon Daych yarim himoyachi Dele Allining istiqbollari haqida gapirdi.
27 yoshli futbolchi Turkiyaning «Beshiktosh» jamoasida ijara asosida o‘tkazgan bir mavsumdan so‘ng «irischilar» bazasiga qaytdi.
Oldinroq «Everton» bosh murabbiyi Alliga o‘zini ko‘rsatish uchun yangi imkoniyat berishga tayyorligi haqida xabar berilgandi, ammo, aftidan, Angliya terma jamoasining sobiq yarim himoyachisi hali optimal sharoitlarga yaqinlashmagan: «Sabr qilish kerak. Rostini aytsam, Dele asosiy jamoaga hali beri qaytmaydi», - dedi Daych The Times nashriga bergan intervyusida.
Dele Allining «Everton» bilan shartnomasi kelasi yilning yozida yakuniga yetadi. Futbolchi «Beshiktosh» tarkibida 15 ta o‘yin o‘tkazib, 3 ta gol urgan.
