«Эвертон» бош мураббийи Шон Дайч ярим ҳимоячи Деле Аллининг истиқболлари ҳақида гапирди.
27 ёшли футболчи Туркиянинг «Бешиктош» жамоасида ижара асосида ўтказган бир мавсумдан сўнг «ирисчилар» базасига қайтди.
Олдинроқ «Эвертон» бош мураббийи Аллига ўзини кўрсатиш учун янги имконият беришга тайёрлиги ҳақида хабар берилганди, аммо, афтидан, Англия терма жамоасининг собиқ ярим ҳимоячиси ҳали оптимал шароитларга яқинлашмаган: «Сабр қилиш керак. Ростини айтсам, Деле асосий жамоага ҳали бери қайтмайди», - деди Дайч The Times нашрига берган интервьюсида.
Деле Аллининг «Эвертон» билан шартномаси келаси йилнинг ёзида якунига етади. Футболчи «Бешиктош» таркибида 15 та ўйин ўтказиб, 3 та гол урган.
