Shveysariyalik darvozabon Yann Zommer “Bavariya” bilan chiroyli tarzda xayrlashdi. Eslatib o‘tamiz, Germaniya grandida darvozabon 2022/23 yilgi mavsumning ikkinchi yarmini o‘tkazib, Germaniya chempioni bo‘lishga muvaffaq bo‘lgandi.
"Qiziqarli sayohat nihoyasiga yetmoqda. Men barcha jamoadoshlarimga, murabbiylarga, barchaga, shu jumladan klubning ajoyib muxlislariga o‘z minnatdorchiligimni bildiraman. Bu odamlarning barchasi "Bavariya"dagi vaqtimni hech qachon unutmaydigan tajribaga aylantirdi. Barchangizga rahmat, muvaffaqiyatlar tilayman!" - deb yozdi darvozabon ijtimoiy tarmoqlaridagi sahifasida.
Zommer deyarli Milanning "Inter" futbolchisiga aylangan. Oxirgi xabarlarga ko‘ra, darvozabon "neradzurrilar" bilan 3 yillik shartnoma borasida kelishib olgan.
