"Barselona" tarbiyalanuvchisi, o‘ng qanot himoyachisi Martin Montoyya "Betis"ni erkin agent sifatida tark etdi. Bu haqda Sevilya klubi matbuot xizmati xabar berib, futbolchiga kelajakda omad tiladi.
Eslatib o‘tamiz, Montoyya "Barselona" akademiyasining bitiruvchisi bo‘lib, u 2009 yildan 2016 yilgacha "ko‘k-anorranglilar" tarkibida o‘ynagan, shundan so‘ng "Valensiya"ga yo‘l olgan va u yerda o‘z faoliyatining ikki yilini o‘tkazgan.
Keyingi ikki yilda u Angliyada - "Brayton" tarkibida o‘ynadi. Montoyya faoliyatining so‘nggi uch yilini “Betis”da o‘tkazdi.
Hozir himoyachi 32 yoshda. Transfermarkt portali klubsiz qolgan futbolchini 1,2 million yevroga baholamoqda.
