"Барселона" тарбияланувчиси, ўнг қанот ҳимоячиси Мартин Монтойя "Бетис"ни эркин агент сифатида тарк этди. Бу ҳақда Севилья клуби матбуот хизмати хабар бериб, футболчига келажакда омад тилади.
Эслатиб ўтамиз, Монтойя "Барселона" академиясининг битирувчиси бўлиб, у 2009 йилдан 2016 йилгача "кўк-анорранглилар" таркибида ўйнаган, шундан сўнг "Валенсия"га йўл олган ва у ерда ўз фаолиятининг икки йилини ўтказган.
Кейинги икки йилда у Англияда - "Брайтон" таркибида ўйнади. Монтойя фаолиятининг сўнгги уч йилини “Бетис”да ўтказди.
Ҳозир ҳимоячи 32 ёшда. Transfermarkt портали клубсиз қолган футболчини 1,2 миллион еврога баҳоламоқда.
