"Everton" "Manchester Yunayted"ga Garri Maguayr bo‘yicha taklif yuborishga tayyorlanmoqda.

Independent nashri xabariga ko‘ra, "Manchester Yunayted" "Vest Xem"ning Garri Maguayr va Skott Maktominay uchun 60 million funt sterlinglik taklifini rad etdi, ammo futbolchilarni kattaroq summaga sotishga tayyor.

"Everton" Maguayr atrofidagi vaziyatni kuzatib bormoqda, ma’lum qilinishicha, klub "Manchester Yunayted"ga rasmiy taklif bilan chiqishga tayyor. Maguayr o‘z navbatida "Manchester Yunayted"ni tark etish uning Yevro-2024da o‘ynash imkoniyatini oshirishini tushunadi, chunki himoyachi boshqa klubda ko‘proq o‘yin amaliyotiga ega bo‘ladi.