"Chelsi"ning ukrainalik hujumkor yarim himoyachisi Mixaylo Mudrik London klubida 10-raqam ostida o‘ynaydi.
Bu haqda “ko‘klar” matbuot xizmati xabar berdi. Ilgari 10-raqam ostida Kristian Pulishich o‘ynagandi, u shu yozda “Milan”ga ko‘chib o‘tgach, bu raqamda endi Mudrik o‘ynaydigan bo‘ldi. Ukrainalik futbolchi avval 15-raqam ostida o‘ynagan.
Mudrik olti oy oldin Doneskning “Shaxtyor” klubidan Londonga ko‘chib o‘tganidan so‘ng “Chelsi” futbolchisiga aylangandi. Biroq o‘tgan mavsumda 22 yoshli futbolchi “ko‘klar” safida muvaffaqiyatli o‘ynay olmadi.
Eslatib o‘tamiz, avvalroq "Chelsi"da 10-raqam Xuan Mata va Eden Azar kabi sobiq yulduzlar o‘ynagandi.