"Челси"нинг украиналик ҳужумкор ярим ҳимоячиси Михайло Мудрик Лондон клубида 10-рақам остида ўйнайди.

Бу ҳақда “кўклар” матбуот хизмати хабар берди. Илгари 10-рақам остида Кристиан Пулишич ўйнаганди, у шу ёзда “Милан”га кўчиб ўтгач, бу рақамда энди Мудрик ўйнайдиган бўлди. Украиналик футболчи аввал 15-рақам остида ўйнаган.

Мудрик олти ой олдин Донецкнинг “Шахтёр” клубидан Лондонга кўчиб ўтганидан сўнг “Челси” футболчисига айланганди. Бироқ ўтган мавсумда 22 ёшли футболчи “кўклар” сафида муваффақиятли ўйнай олмади.

Эслатиб ўтамиз, аввалроқ "Челси"да 10-рақам Хуан Мата ва Эден Азар каби собиқ юлдузлар ўйнаганди.