"Roma" "PSJ" yarim himoyachi Renatu Sansheshni ijaraga olishga yaqin turibdi.

Rimliklar 25 yoshli portugaliyalikni qo‘lga kiritish uchun bir necha haftadan beri ishlamoqda, ammo "PSJ" futbolchini sotib olish majburiyatisiz ijaraga qo‘yib yuborishni istamayapti. Sky Sport nashrining yangilangan ma’lumotlariga ko‘ra, parijliklar rahbariyati murosaga kelishga va yarim himoyachini keyinchalik sotib olishning ixtiyoriy varianti bilan ijaraga ketishiga ruxsat berish arafasida.

Transfermarkt xabariga ko‘ra, Renatu Sansheshning transfer narxi 15 million yevroni tashkil qiladi. "PSJ" tarkibida futbolchi bir mavsum o‘tkazib, jami 27ta o‘yin o‘tkazib, ikkita gol urgan.