"Рома" "ПСЖ" ярим ҳимоячи Ренату Саншешни ижарага олишга яқин турибди.
Римликлар 25 ёшли португалияликни қўлга киритиш учун бир неча ҳафтадан бери ишламоқда, аммо "ПСЖ" футболчини сотиб олиш мажбуриятисиз ижарага қўйиб юборишни истамаяпти. Sky Sport нашрининг янгиланган маълумотларига кўра, парижликлар раҳбарияти муросага келишга ва ярим ҳимоячини кейинчалик сотиб олишнинг ихтиёрий варианти билан ижарага кетишига рухсат бериш арафасида.
Transfermarkt хабарига кўра, Ренату Саншешнинг трансфер нархи 15 миллион еврони ташкил қилади. "ПСЖ" таркибида футболчи бир мавсум ўтказиб, жами 27та ўйин ўтказиб, иккита гол урган.
