"Piterboro" klubining sobiq yarim himoyachisi Markus Meddison 20 oylik qamoq jazosiga hukm qilindi.

Meddison o‘tgan yilning sentyabr oyida 60 yoshli ayolga og‘ir tan jarohati yetkazganlikda aybini tan olganidan keyin bugun sudga chiqdi.

Markus Darlingtondagi ziyofatdan keyin ayolni urganini tan oldi. Sud qaroriga ko‘ra, bu zarba jabrlanuvchining yuzida “murakkab ko‘p suyak sinishi”ga sabab bo‘lgan.

Meddison o‘z aybiga iqror bo‘ldi, bu uning jazo muddatini 30 oydan 20 oyga qisqartirdi. Shuningdek, u jabrlanuvchiga tovon to‘lashi kerak.

29 yoshli Markusning faoliyatidagi so‘nggi klubi "Darlington" bo‘lib, u voqea yuzasidan intizomiy tekshiruvdan so‘ng 2022 yilning oktyabr oyida shartnomasini bekor qilgandi.

Shuningdek, u "Bolton", "Charlton", "Xall Siti" va "Peterboro" klublarida o‘ynagan.