"Питерборо" клубининг собиқ ярим ҳимоячиси Маркус Мэддисон 20 ойлик қамоқ жазосига ҳукм қилинди.
Мэддисон ўтган йилнинг сентябрь ойида 60 ёшли аёлга оғир тан жароҳати етказганликда айбини тан олганидан кейин бугун судга чиқди.
Маркус Дарлингтондаги зиёфатдан кейин аёлни урганини тан олди. Суд қарорига кўра, бу зарба жабрланувчининг юзида “мураккаб кўп суяк синиши”га сабаб бўлган.
Мэддисон ўз айбига иқрор бўлди, бу унинг жазо муддатини 30 ойдан 20 ойга қисқартирди. Шунингдек, у жабрланувчига товон тўлаши керак.
29 ёшли Маркуснинг фаолиятидаги сўнгги клуби "Дарлингтон" бўлиб, у воқеа юзасидан интизомий текширувдан сўнг 2022 йилнинг октябрь ойида шартномасини бекор қилганди.
Шунингдек, у "Болтон", "Чарлтон", "Халл Сити" ва "Петерборо" клубларида ўйнаган.
