"Manchester Yunayted" yangi qo‘shilgan Rasmus Xyoylunnni 3 sentyabr kuni "Arsenal"ga qarshi APLning 4-turi doirasidagi o‘yinda debyut qilishni rejalashtirmoqda.
20 yoshli daniyalik futbolchi o‘tgan haftada "Atalanta"dan "Manchester Yunayted"ga o‘tgan edi. Keyinchalik ma’lum bo‘lishicha, futbolchining bel qismidagi yengil jarohati bor, bu esa bir necha haftalik reabilitasiyani talab qiladi.
Xyoylunn hozirda individual dastur bo‘yicha mashg‘ulot o‘tkazmoqda, seshanba kuni u klubning Karringtondagi bazasida yugurish mashqlarini bajardi. Klub xodimlari Rasmus bir oydan kamroq vaqt ichida "Arsenal"ga qarshi safarda bo‘lib o‘tadigan o‘yinga tayyor bo‘lishiga umid qilmoqda.