“Manchester Yunayted” markaziy himoyachisi Xarri Maguayr avvalroq bosh murabbiy Erik ten Xagning ishonchsizligi va ko‘p raqobatga qaramay, jamoada qolib, boshlang‘ich o‘rin uchun kurashmoqchi edi. Insayder Lori Uitvellning xabarlariga ko‘ra, Xarri Angliya terma jamoasi bosh murabbiyi Garet Sautgeyt bilan gaplashganidan keyin fikrini o‘zgartirgan.
Manbaning ta’kidlashicha, "uch sherlar" ustozi Maguayrga o‘yin vaqtining kamligi uning xalqaro faoliyatiga ta’sir qilishini aniq aytgan. Shu boisdan Xarri Yevro-2024'dan bir yil oldin MYUni tark etishga qaror qilgan.
Maguayrning yangi klubi "Vest Xem" bo‘lishi kutilyapti.