“Манчестер Юнайтед” марказий ҳимоячиси Харри Магуайр аввалроқ бош мураббий Эрик тен Хагнинг ишончсизлиги ва кўп рақобатга қарамай, жамоада қолиб, бошланғич ўрин учун курашмоқчи эди. Инсайдер Лори Уитвеллнинг хабарларига кўра, Харри Англия терма жамоаси бош мураббийи Гарет Саутгейт билан гаплашганидан кейин фикрини ўзгартирган.
Манбанинг таъкидлашича, "уч шерлар" устози Магуайрга ўйин вақтининг камлиги унинг халқаро фаолиятига таъсир қилишини аниқ айтган. Шу боисдан Харри Евро-2024'дан бир йил олдин МЮни тарк этишга қарор қилган.
Магуайрнинг янги клуби "Вест Хэм" бўлиши кутиляпти.
