"Malyorka" himoyachisi Pablo Maffeo tez orada boshqa jamoaga o‘tishi mumkin. Insayder Xavi Migelning tarqatgan xabariga ko‘ra, ispaniyalik futbolchi uning transferiga jiddiy qiziqish bildirayotgan "Barselona"ga taklif qilingan.
Manbaning ta’kidlashicha, hozirda Maffeo "Barselona"ning o‘ng qanot himoyasini kuchaytirishdagi ustuvor variantidir. Shartnoma 6-8 million yevroga baholangan, bu Pabloni Xuan Foyt, Joao Kanselu yoki Ivan Fresnedadan ko‘ra qulayroq variantga aylantiradi.
26 yoshli Maffeo Ispaniya chempionatining so‘nggi mavsumida ikkita gol va to‘rtta golli uzatmani amalga oshirdi.
