"Мальорка" ҳимоячиси Пабло Маффео тез орада бошқа жамоага ўтиши мумкин. Инсайдер Хави Мигелнинг тарқатган хабарига кўра, испаниялик футболчи унинг трансферига жиддий қизиқиш билдираётган "Барселона"га таклиф қилинган.
Манбанинг таъкидлашича, ҳозирда Маффео "Барселона"нинг ўнг қанот ҳимоясини кучайтиришдаги устувор вариантидир. Шартнома 6-8 миллион еврога баҳоланган, бу Паблони Хуан Фойт, Жоао Канселу ёки Иван Фреснедадан кўра қулайроқ вариантга айлантиради.
26 ёшли Маффео Испания чемпионатининг сўнгги мавсумида иккита гол ва тўртта голли узатмани амалга оширди.
