"Manchester Siti" bosh murabbiyi Xosep Gvardiola jamoa yana treblga erisha oladimi, degan savolga javob berdi. O‘tgan mavsumda “shaharliklar” Angliya chempioni bo‘lishdi, mamlakat kubogi va Chempionlar ligasini qo‘lga kiritishdi.
“Bu hayotda bir marta sodir bo‘ladi. O‘tgan mavsumda qilgan ishimizni qilish imkonsiz deb o‘ylayman. O‘tgan mavsumda biz eng baland toqqa chiqdik, ammo so‘nggi ikki kun ichida biz undan tushdik va endi yana boshidan boshlaymiz. Hammaning niyati bir, tog‘ cho‘qqisiga chiqish yo‘lida ko‘p qiyinchiliklarga duch kelamiz. Mavsum qanday bo‘lishini futbolimiz, saviyamiz, mentalitetimiz belgilab beradi", - deya Gvardiola so‘zlarini keltirmoqda BBC.
