Kilian Mbappe va "PSJ" o‘zaro uchrashishni istamayapti. Avvalroq futbolchi shartnomani uzaytirishni istamasligini, klub esa Mbappeni kelasi yili erkin agent sifatida tark etishiga yo‘l qo‘yilmasligini ma’lum qilgandi.

O‘shandan beri tomonlar vaziyatni hal qilishga yaqinlashmagan. Futbolchi mavsumoldi safariga olib ketilmagan, ammo, bu uning pozisiyasiga hech qanday ta’sir qilmagan.

L’Equipe nashri xabariga ko‘ra, "PSJ" o‘tgan hafta 24 yoshli Mbappega yangi maktub yo‘llagan va unda u futbolchiga bosim o‘tkazishga uringan. Maktubda aytilishicha, agar Kilian bepul ketsa, klub asosiy futbolchilarni sotishi, akademiya o‘yinchilari siyosatini qayta ko‘rib chiqishi va ko‘plab xodimlarini ishdan bo‘shatishni rejalashtirmoqda.