Килиан Мбаппе ва "ПСЖ" ўзаро учрашишни истамаяпти. Аввалроқ футболчи шартномани узайтиришни истамаслигини, клуб эса Мбаппени келаси йили эркин агент сифатида тарк этишига йўл қўйилмаслигини маълум қилганди.
Ўшандан бери томонлар вазиятни ҳал қилишга яқинлашмаган. Футболчи мавсумолди сафарига олиб кетилмаган, аммо, бу унинг позициясига ҳеч қандай таъсир қилмаган.
L’Equipe нашри хабарига кўра, "ПСЖ" ўтган ҳафта 24 ёшли Мбаппега янги мактуб йўллаган ва унда у футболчига босим ўтказишга уринган. Мактубда айтилишича, агар Килиан бепул кетса, клуб асосий футболчиларни сотиши, академия ўйинчилари сиёсатини қайта кўриб чиқиши ва кўплаб ходимларини ишдан бўшатишни режалаштирмоқда.
