"Real" bosh murabbiyi Karlo Anchelotti avvalroq rahbariyatdan "Tottenxem" hujumchisi Xarri Keynni sotib olishni so‘ragan edi.
Jurnalist Mario Kortexanening so‘zlariga ko‘ra, “qirollik klubi” prezidenti Florentino Peres murabbiyning iltimosini rad etgan, chunki u angliyalik futbolchini juda qimmat variant deb hisoblagan.
Keyn hozir 30 yoshda va "Tottenxem" bilan shartnomasi tugashiga bir yil qoldi, ammo "shporlar" prezidenti Daniel Levi transfer uchun hamon 120 million yevro talab qilmoqda. Xarri uchun poygada biroz oldinroq kelishuvga erishgan va tibbiy ko‘rikdan o‘tish uchun ruxsat olgan "Bavariya" peshqadamlik qilmoqda. Biroq "Tottenxem" bir necha soat oldin transferni to‘sib qo‘ydi va yangi transfer bo‘yicha muzokaralarni boshladi.