Hujumchi Xarri Keyn “Bavariya” libosini kiyishga tobora yaqinlashmoqda. Myunxen giganti va "Tottenxem" o‘rtasidagi muzokaralar juda qiyin kechdi, ammo juda yaqin vaqt ichida kelishuv butunlay yopilishi kerak.
Jurnalist Florian Plettenbergning ijtimoiy tarmoqlarda xabar berishicha, hatto juma kuni ham "Tottenxem" va "Bavariya" o‘rtasida qiyin muzokara jarayoni bo‘lgan. Natijada tomonlar Keynning 100 million yevroga transferi va 10 million yevro bonuslar bo‘yicha kelishib oldi.