"Tottenxem" hujumchisi Xarri Keyn "Bavariya"ga o‘tishini yakunlamoqda.

Avvalroq ma’lum bo‘lishicha, "shporlar" myunxenliklarning 110 million yevroga baholangan taklifini qabul qilgan va bugun ingliz futbolchisi Germaniyaga uchib ketgan. Sky Sport xabariga ko‘ra, 30 yoshli hujumchi tibbiy ko‘rikning birinchi qismidan o‘tib bo‘lgan. Tez orada ko‘rikning ikkinchi bosqichi bo‘lib o‘tadi. Transferning rasmiy tasdig‘i yaqin kunlarda rejalashtirilgan.

Katta ehtimol bilan Xarri Keyn Tomas Tuxel jamoasida debyutini Germaniya Superkubogi uchun shanba kuni "Leypsig" qarshi o‘yinda o‘tkazishi mumkin.