"Тоттенхэм" ҳужумчиси Харри Кейн "Бавария"га ўтишини якунламоқда.
Аввалроқ маълум бўлишича, "шпорлар" мюнхенликларнинг 110 миллион еврога баҳоланган таклифини қабул қилган ва бугун инглиз футболчиси Германияга учиб кетган. Sky Sport хабарига кўра, 30 ёшли ҳужумчи тиббий кўрикнинг биринчи қисмидан ўтиб бўлган. Тез орада кўрикнинг иккинчи босқичи бўлиб ўтади. Трансфернинг расмий тасдиғи яқин кунларда режалаштирилган.
Катта эҳтимол билан Харри Кейн Томас Тухель жамоасида дебютини Германия Суперкубоги учун шанба куни "Лейпциг" қарши ўйинда ўтказиши мумкин.













