Mazkur jamoalar shu kungacha O‘zbekiston chempionatlarida 47 marta kuch sinashgan. Shularning 17 tasi “Metallurg” , 18 tasida “Qizilqum” jamoasi g‘alaba qozongan. 12 ta o‘yinda esa kuchlar teng kelgan. Kiritilgan va o‘tkazib yuborilgan to‘plar farqi 61:60, vohaliklar oldinda. “Metallurg” bu raqibini ikki marta 4:1 hisobida dog‘da qoldirgan (2006, 2019). “Qizilqum” esa bitta uchrashuvda bekobodliklar darvozasiga javobsiz beshta to‘p (0:5, 2006) yo‘llagan.

Mazkur jamoalarning Navoiyda o‘tkazilgan uchrashuvlarida mezbonlar katta ustunlikka ega: 12 ta g‘alaba, 6 ta durang, 5 ta mag‘lubiyat, to‘plar nisbati – 35:20.

Quyida Navoiyda bo‘lib o‘tgan so‘nggi beshta uchrashuvida qayd etilgan natijalar bilan tanishing:

29.09.2022  “Qizilqum” – “Metallurg” – 0:1
27.11.2021  “Qizilqum” – “Metallurg” – 1:3
24.11.2020  “Qizilqum” – “Metallurg” – 1:0
29.10.2019  “Qizilqum” – “Metallurg” – 1:1
05.05.2018  “Qizilqum” – “Metallurg” – 1:2

"Qizilqum” haqida
Navoiyning "Qizilqum" jamoasiga 1974 yilda asos solingan. Dastavval jamoa Zarafshon shahrida “Progress” nomi bilan faoliyat yuritgan. Mamlakat mustaqilligiga qadar jamoa viloyat, respublika birinchiligi hamda sobiq Ittifoq chempionati ikkinchi ligasida o‘ynagan. 1992 yilda O‘zbekiston birinchiligida qatnashib kelgan jamoa 1999 yili quyi ligada 3-o‘rinni egalladi va oliy ligaga yo‘llanmani qo‘lga kiritdi. 1994 yildan “Qizilqum” nomi bilan yuritib kelinayotgan jamoa oliy ligadagi uchinchi mavsumida eng yuqori natijasini qayd etdi, ya’ni bronza medaliga sazovor bo‘ldi.

Bugungacha navoiyliklar kuchlilar safida 675 ta uchrashuv o‘tkazib, shulardan 236 tasida g‘alaba qozongan, 148 o‘yinda durangga erishgan, 291 o‘yinda esa imkoniyatni boy bergan. Kiritilgan va o‘tkazib yuborilgan to‘plar farqi – 809:967.

“Qizilqum” jamoasining oliy ligadagi eng yirik g‘alabasi – 7:0 (2003 yil, “Guliston”), eng yirik mag‘lubiyati – 0:11 (2007 yil, “Paxtakor”) tashkil etadi.