«Bavariya» yarim himoyachisi Yozua Kimmix jamoaga yangi kelgan Xarri Keyndan nimani kutayotganini aytdi.
Ingliz hujumchisi kecha «RB Leypsig»ga qarshi Germaniya Superkubogi uchun o‘yinda zaxiradan maydonga tushdi. Keyn myunxenliklarni yirik mag‘lubiyatdan qutqarib qola olmadi (0:3).
«Menimcha, u ertalab soat uch-to‘rtgacha uxlamagan. U biroz ko‘proq uxlab olsa, bizga ko‘p yordam beradi. Albatta, biz undan gollar kutamiz. U jamoaga katta foyda keltira oladigan juda tajribali futbolchi.
Men Xarriga qarshi ko‘p marta o‘ynaganman va bu men uchun har doim ham ajoyib bo‘lmagan. Umid qilamanki, endi u bizga g‘alaba keltiruvchi gollarni uradi», - deya Kimmixdan iqtibos keltiradi Sport 1.
