«Бавария» ярим ҳимоячиси Йозуа Киммих жамоага янги келган Харри Кейндан нимани кутаётганини айтди.

Инглиз ҳужумчиси кеча «РБ Лейпциг»га қарши Германия Суперкубоги учун ўйинда захирадан майдонга тушди. Кейн мюнхенликларни йирик мағлубиятдан қутқариб қола олмади (0:3).

«Менимча, у эрталаб соат уч-тўртгача ухламаган. У бироз кўпроқ ухлаб олса, бизга кўп ёрдам беради. Албатта, биз ундан голлар кутамиз. У жамоага катта фойда келтира оладиган жуда тажрибали футболчи.

Мен Харрига қарши кўп марта ўйнаганман ва бу мен учун ҳар доим ҳам ажойиб бўлмаган. Умид қиламанки, энди у бизга ғалаба келтирувчи голларни уради», - дея Киммихдан иқтибос келтиради Sport 1.