«Real Madrid» yaqinda Kepa Arrisabalaga taqdimotini o‘tkazadi.
Madrid klubi yaqin kunlarda darvozabonni jamoaga yangi kelgan futbolchi sifatida tanishtirishi kutilmoqda.
Arrisabalaga «Almeriya» bilan 19 avgustga belgilangan La Liganing 2-tur uchrashuvida maydonga tushishi mumkin.
Avvalroq, Madridning «Real» klubi «Chelsi» bilan Kepani sotib olish majburiyatisiz ijaraga olish bo‘yicha kelishuvga erishgani ma’lum bo‘lgan edi.
Darvozabon 2023/24 yilgi mavsumni madridliklar safida o‘tkazadi va jarohati tufayli uzoq vaqt maydonga tusha olmaydigan Tibo Kurtuaning o‘rnini egallaydi.
«Real»ga o‘tish uchun «Chelsi» darvozaboni faoliyatini «Bavariya»da davom ettirish imkoniyatidan voz kechdi.
