«Реал Мадрид» яқинда Кепа Аррисабалага тақдимотини ўтказади.
Мадрид клуби яқин кунларда дарвозабонни жамоага янги келган футболчи сифатида таништириши кутилмоқда.
Аррисабалага «Альмерия» билан 19 августга белгиланган Ла Лиганинг 2-тур учрашувида майдонга тушиши мумкин.
Аввалроқ, Мадриднинг «Реал» клуби «Челси» билан Кепани сотиб олиш мажбуриятисиз ижарага олиш бўйича келишувга эришгани маълум бўлган эди.
Дарвозабон 2023/24 йилги мавсумни мадридликлар сафида ўтказади ва жароҳати туфайли узоқ вақт майдонга туша олмайдиган Тибо Куртуанинг ўрнини эгаллайди.
«Реал»га ўтиш учун «Челси» дарвозабони фаолиятини «Бавария»да давом эттириш имкониятидан воз кечди.
