«Chelsi» «Sautgempton» yarim himoyachisi Romeo Laviya bo‘yicha taklif bilan chiqdi.

The Telegraph xabariga ko‘ra, London klubi «Liverpul» nishonga olgan futbolchi uchun 55 million funt taklif qilgan.

Manbalarga ko‘ra, «Chelsi» bundan avval «Brayton» yarim himoyachisi Moyzes Kaysedoni 115 million funt sterling evaziga sotib olishga tayyorligi xabar qilingandi, endi ular Laviya uchun ham katta summa to‘lashga tayyor. Biroq ayni damda ekvadorlik futbolchining transferi «Chelsi» uchun ustuvor vazifa bo‘lib qolmoqda.

Avvalroq, Laviya «Chelsi»ga emas, «Liverpul»ga o‘tmoqchi ekani xabar qilingandi. «Sautgempton» mersisaydliklarning uchta taklifini rad etdi.