Terma jamoalarimiz qandaydir muvaffaqiyatsizlikka uchraydigan bo'lsa, muxlislarimiz orasida "essiz shuncha ajratilayotgan pullar" qabilidagi gaplarni tez-tez eshitamiz. Hamma narsa nisbiy, shu sababdan, OFK a'zosi bo'lgan milliy assotsiatsiyalarning byudjetlarini taqqoslab ko'ramiz.

1. Saudiya Arabistoni futbol federatsiyasi - 265 mln dollar (2022);

2. Yaponiya futbol assotsiatsiyasi - 200 mln dollar (2023);

3. Avstraliya futbol federatsiyasi - 121 mln dollar (2018);

4. Koreya futbol assotsiatsiyasi - 120 mln dollar (2023);

5. Xitoy futbol assotsiatsiyasi - 65 mln dollar (2020);

6. BAA futbol assotsiatsiyasi - 32 mln dollar (2016);

7. Malayziya futbol assotsiatsiyasi - 20 mln dollar (2019);

8. Oman futbol assotsiatsiyasi - 16,7 mln dollar (2020);

9. Butun Hindiston futbol federatsiyasi - 16 mln dollar (2023);

10. Singapur futbol assotsiatsiyasi 14,8 mln dollar (2021);

11. Vyetnam futbol federatsiyasi -11 mln dollar (2020);

12. Butun Nepal futbol assotsiatsiyasi - 5,1 mln dollar (2023);

13. Filippin futbol federatsiyasi - 4,7 mln dollar (2021);

14. Indoneziya futbol assotsiatsiyasi - 4,5 mln dollar (2020);

15. O'zbekiston futbol assotsiatsiyasi ≈ 3 mln dollar (2022).

*Eron, Qatar, Iroq haqida ma'lumotlar keltirilmagan.

Oddiy o'rtoqlik o'yinlarini tashkillashtirish misolidagi farqni ko'rib chiqadigan bo'lsak, Osiyoning Yaponiya yoki Koreya singari yetakchi terma jamoalari o'z uyiga Lotin Amerikasining o'rtamiyona terma jamoalarini taklif qiladigan bo'lsa, ularning to'liq aviachipta va mehmonxona xarajatlarini qoplash bilan birga, 500 ming - 1 mln. dollar orasidagi summani hisob raqamlariga o'tkazib berishadi.

O'zbekiston esa byudjetdan kelib chiqib, bunday isrofgarchilikka yo'l qo'ya olmaydi. Shu sababdan ham O'zbekiston terma jamoasining kuchli terma jamoalarga qarshi o'rtoqlik o'yinlari, asosan, safarda va terma jamoamizning xarajatlarini mezbon tarafdan to'liq yoki qisman qoplab berish sharti bilan o'tkaziladi.