«Inter» himoyachisi Robin Gosens «Union» Berlinga o‘tishga yaqin, - dedi Fabrisio Romano.
Manbaning xabariga ko‘ra, nemis klubi 29 yoshli futbolchini transfer qilishga rozi bo‘lgan. Gosens shartnomani yopishdan oldin 15 avgust kuni jismoniy ko‘rikdan o‘tadi.
Nemis futbolchisi o‘tgan yilning yanvar oyidan buyon «Inter»da to‘p tepmoqda. U «neradzurrilar» safida 58 ta o‘yinda maydonga tushib, 5 ta gol urdi va bitta golli uzatmani amalga oshirdi.
Gosens avvalroq «Atalanta», «Erakles» va «Dordrext» klublarida to‘p tepgan.
