"Chelsi"ning yangi a’zosi Moyses Kaysedo o‘zining yoshlikdagi faoliyati davomida "ko‘klar" safida o‘ynagan kimlarga havas qilganini aytib berdi.
“Makelele va Kante men uchun ilhom manbai bo‘ldi. Ular maydonda ham, uning tashqarida ham kamtar edi. O‘ylaymanki, biz qandaydir jihatdan o‘xshashmiz, lekin ular yaxshiroq. Endi yangi jamoam uchun borimni beraman”, - deydi futbolchi.
14 avgust, dushanba kuni “Chelsi” Kaysedo bilan shartnoma imzolaganini e’lon qildi. 21 yoshli futbolchi bilan 8 yillik shartnoma imzolandi, u yana bir mavsumga uzaytirilishi mumkin.