Chexiyalik darvozabon Matey Kovar “Manchester Yunayted”ni tark etib, Germaniya Bundesligasiga yo‘l oldi. Darvozabonning yangi ish joyi Leverkuzenning "Bayer" klubi bo‘ldi.
“Matey Kovar, xush kelibsiz”, - deyiladi “dorixonachilar” rasmiy bayonotda.
23 yoshli futbolchi Leverkuzenning "Bayer" klubi bilan 2027 yilning o‘rtalariga qadar mo‘ljallangan uzoq muddatli mehnat shartnomasi tuzdi. Leverkuzenliklar tarkibida u 17-raqam ostida o‘ynaydi. Bitim summasi oshkor etilmadi, biroq OAV xabarlariga ko‘ra, “Bayer” Kovarning transferi uchun to‘qqiz million yevro to‘lagan.













