Чехиялик дарвозабон Матей Ковар “Манчестер Юнайтед”ни тарк этиб, Германия Бундеслигасига йўл олди. Дарвозабоннинг янги иш жойи Леверкузеннинг "Байер" клуби бўлди.
“Матей Ковар, хуш келибсиз”, - дейилади “дорихоначилар” расмий баёнотда.
23 ёшли футболчи Леверкузеннинг "Байер" клуби билан 2027 йилнинг ўрталарига қадар мўлжалланган узоқ муддатли меҳнат шартномаси тузди. Леверкузенликлар таркибида у 17-рақам остида ўйнайди. Битим суммаси ошкор этилмади, бироқ ОАВ хабарларига кўра, “Байер” Коварнинг трансфери учун тўққиз миллион евро тўлаган.
