Saudiya klublari bu yozda «Liverpul»ni «talamoqda».

Jordan Xenderson, Fabinyo va Roberto Firmino Saudiya Arabistoni chempionatiga o‘tishdi. Endi Foot Mercato nashriga ko‘ra, Alisson Yaqin Sharqqa borishi mumkin.

Manbaga ko‘ra, «An-Nasr» «Liverpul»ning darvozaboniga jiddiy qiziqish bildirmoqda. Chempionatning 1-turida «Al-Ittifoq»ga (1:2) imkoniyatni boy bergan klub sifatli darvozabon bilan shartnoma imzolashga qaror qildi.

Alisson «Roma»dan transfer qilinganidan keyin – 2018 yilning yozidan beri «Liverpul» sharafini himoya qilib kelmoqda.

O‘shandan beri braziliyalik futbolchi 232 ta o‘yinda 205 ta gol o‘tkazib yuborgan.