Londonning «Chelsi» klubi o‘yinchilarni sotib olish uchun katta mablag‘ sarflashda davom etmoqda.
«Ko‘klar» yaqinda «Brayton»ga 100 million funt sterlingdan ko‘proq to‘lab, Moyzes Kaysedoni sotib oldi.
Shunday qilib, Transfermarkt ma’lumotlariga ko‘ra, o‘tgan yoz boshidan beri «Chelsi» yangi kelganlar uchun allaqachon 934 million yevro sarflagan - bu dunyodagi istalgan klubdan ko‘p, shuningdek, jami 894 mln yevro sarflagan La Liganing barcha vakillaridan ham ko‘proqdir.
Klublar reytingida ikkinchi o‘rinda «Manchester Yunayted» (435 million yevro), uchinchi o‘rinda Londonning «Arsenal» klubi (427 million yevro) joylashgan.
