Лондоннинг «Челси» клуби ўйинчиларни сотиб олиш учун катта маблағ сарфлашда давом этмоқда.
«Кўклар» яқинда «Брайтон»га 100 миллион фунт стерлингдан кўпроқ тўлаб, Мойзес Кайседони сотиб олди.
Шундай қилиб, Transfermarkt маълумотларига кўра, ўтган ёз бошидан бери «Челси» янги келганлар учун аллақачон 934 миллион евро сарфлаган - бу дунёдаги исталган клубдан кўп, шунингдек, жами 894 млн евро сарфлаган Ла Лиганинг барча вакилларидан ҳам кўпроқдир.
Клублар рейтингида иккинчи ўринда «Манчестер Юнайтед» (435 миллион евро), учинчи ўринда Лондоннинг «Арсенал» клуби (427 миллион евро) жойлашган.
