Saudiyaning «Al-Hilol» klubi «Fulxem» hujumchisi Aleksandr Mitrovich bilan shartnoma imzolash ustida ishlamoqda.
Ijtimoiy tarmoq jurnalisti Bek Jeykobsning so‘zlariga ko‘ra, «Al-Hilol»ning so‘nggi taklifi 55 million yevroga yaqinlashgan.
London klubi 28 yoshli Mitrovichni sotishni rejalashtirmagan, biroq keyinchalik baribir unga 60 million yevro narx belgilagan.
Jeykobsning ta’kidlashicha, «Al-Hilol» va «Fulxem» o‘rtasidagi kelishuv yomon bosqichda emas.
Umuman olganda, Aleksandr Mitrovich «Fulxem» safida 206 ta rasmiy o‘yin o‘tkazgan. Ularda serbiyalik hujumchi 111 ta gol urdi va sheriklariga 22 ta samarali uzatma berdi.
