«Manchester Siti» bosh murabbiyi Pep Gvardiola jamoa himoyachisi Riko Lyuis bilan shartnoma uzaytirilgani haqida fikr bildirdi.

«Akademiyadan shunday futbolchi borligi klub uchun ajoyib. Lyuis uzoq vaqt biz bilan birga bo‘ladi. U saviyali o‘yinchi», - deya Gvardiolaning so‘zlaridan iqtibos keltirgan «shaharliklar» matbuot xizmati.

Avvalroq, «Manchester Siti» 18 yoshli futbolchi bilan shartnomani 2028 yilgacha uzaytirishini ma’lum qilgandi.

Angliya premyer-ligasining 1-turida Gvardiola shogirdlari «Byornli»ni 3:0 hisobida mag‘lub etishdi. Lyuis 79 daqiqani maydonda o‘tkazdi va gol ura olmadi.