«Манчестер Сити» бош мураббийи Пеп Гвардиола жамоа ҳимоячиси Рико Льюис билан шартнома узайтирилгани ҳақида фикр билдирди.
«Академиядан шундай футболчи борлиги клуб учун ажойиб. Льюис узоқ вақт биз билан бирга бўлади. У савияли ўйинчи», - дея Гвардиоланинг сўзларидан иқтибос келтирган «шаҳарликлар» матбуот хизмати.
Аввалроқ, «Манчестер Сити» 18 ёшли футболчи билан шартномани 2028 йилгача узайтиришини маълум қилганди.
Англия премьер-лигасининг 1-турида Гвардиола шогирдлари «Бёрнли»ни 3:0 ҳисобида мағлуб этишди. Льюис 79 дақиқани майдонда ўтказди ва гол ура олмади.
